Bon Bini Supermarket ku e mihó preisnan pa hasi bo kompra di karnaval

Temporada di karnaval ta un di e temporadanan  ku mas e konsumidó ta kumpra. Karnavalistanan ta hasi nan kompra spesial pa dianan di marcha di karnaval. Tantu partisipantenan den grupo komo esnan kantu di kaminda. Ta p’esei nos di Fundashon pa Konsumidó den kolaborashon ku Ministerio di Desaroyo Ekonómiko (MEO) ta haña importante pa hasi komparashon di preis di e produktonan ku mas e konsumidó ta kumpra den supermerkado durante di e temporada di karnaval. E anotashon di preis di e makutu di karnaval a tuma lugá dia 17 pa 20 di yanüari 2023 na 10 establesimentu i a anotá preis di 121 diferente produkto. E establesimentunan kaminda a hasi e anotashon di preis ta Bon Bini Supermarket, Centrum Mahaai, Centrum Piscadera, Esperamos Supermarket, Dande, Mangus Rio, Mangusa Hypermarket, Vreugdenhil, Luna Park, i California Supermarket. 

E 3 establesimentunan ku a resultá ku mas tantu produkto na mihó preis den e kategoria aki ta: 

1. Bon Bini Supermarket ku 30 produkto. 
2. Mangusa Rio ku 28 produkto. 
3. Mangusa Hyper ku 26 produkto. 

E 3 establesimentunan ku a resultá mihó surti den e kategoria aki ta: 

1. Bon Bini supermarket ku 94 produkto.
2. Esperamos Supermarket ku 90 produkto.
3. Mangusa supermarket ku 89 produkto.

E diferensia di preis den bibidanan no alkohóliko manera bòter di awa mineral, djus òf soda water ta mínimo. Loke si nos a nota ku tin diferensia grandi den preis di e bibidanan alkohóliko. Pues ta bon pa e konsumidó paga tinu riba e diferensianan aki. 

Nos di Fundashon pa Konsumidó ta konsehá e konsumidó pa traha su lista di kompra adelantá i tuma nota di e lista amplio di e komparashon di preis pa asina bo por hasi bo eskoho di forma konsiente i responsabel. Pa kualkier informashon adishonal por tuma kontakto ku Fundashon pa Konsumidó na 4626666 òf manda nos un e-mail na info@fundashonpakonsumido.org