Warning: call_user_func_array() expects parameter 1 to be a valid callback, class '' not found in /home/customer/www/fundashonpakonsumido.org/public_html/wp-includes/class-wp-hook.php on line 324
Mester paga bon tinu riba diferensia di preis entre supermerkadonan ora nos ta kumpra  – Fundashon pa Konsumido

Mester paga bon tinu riba diferensia di preis entre supermerkadonan ora nos ta kumpra 

Fundashon pa Konsumidó a hasi komparashon di preis den e kategoria di karni, galiña, belèg, fruta I berdura. Pa e komparashon di preis aki a selektá un kantidat di 99 produkto na 21 establesimentu den e temporada di 12 di yanüari 2023 te ku 17 di yanüari 2023. E supermarket i minimarketnan  kaminda e komparashon di preis a tuma lugá ta: supermarket 2000,  Arco Iris, Van den Tweel ,Arti’s , Best Buy, Bon Bini supermarket, Boulevard Market Place, Centrum Mahaai i Piscadera,  Esperamos supermarket, Carrefoure, Dande, Mangusa Rio Canario i Hypermarket, Vreugdenhil, Minimarket XIN, Luna Park, New Plaza/ De Ruyterkade, LI’S, Queens, i Tropicana .

E supermerkadonan ku a resultá ku mas tantu produkto na mihó preis ta: Mangusa Hyper Market ku 22 produkto, Mangusa Rio ku 21 produkto i Centrum Mahaai i Piscadera ku 18 produkto. E supermerkadonan mihó surti a resultá Bon Bini supermarket ku 75 produkto, Centrum Mahaai i Piscadera ku 74 produkto i Mangusa Rio ku 73 produkto. 

Fundashon pa Konsumidó ta rekomendá e konsumidó pa hasi uzo di e lista amplio di nos komparashon di preis pa por hasi bo eskoho di forma konsiente. Esaki ta hopi importante mirando ku tin diferensia basta grandi den preis entre supermerkadonan. Un ehèmpel di esaki ta e diferensia grandi den preis di belèg. Na CarreFoure bo por kumpra un kilo di wòrs dushi pa 23 florin pero bo ta haña e mesun kilo di wòrs dushi aki pa 47,95 florin na Boulevard Market Place. Esaki ta un diferensia di 24,50 florin. Meskos den e parti di berdura bo por kumpra 1 kilo di broccoli na Esperamos supermarket pa 8,63 florin i na Boulevard Market Place e preis ta 25.95 florin pa 1 kilo. Esaki ta un diferensia di 17,32 florin. 

En bista di e subida di preis ku ta tuma lugá i e diferensia di preis entre establesimentunan nos mester keda mantené nos mes bon informá pa asina kumpra di forma responsabel. Bo por tuma nota di e  lista di anotashon di preis riba nos wèpsait www.fundashonpakonsumido.org. Pa kualkier pregunta por tuma kontakto ku nos na 462-6666 òf manda nos un e-mail na info@fundashonpakonsumido.org.Tene na kuenta ku pa e komparashon di preis aki no a tene kuenta ku kalidat di produkto ni pais di importashon. 



Leave a Reply