Warning: call_user_func_array() expects parameter 1 to be a valid callback, class '' not found in /home/customer/www/fundashonpakonsumido.org/public_html/wp-includes/class-wp-hook.php on line 324
Building Depot ta resultá na promé lugá ku e mihó preis pa material pa konstrukshon – Fundashon pa Konsumido

Building Depot ta resultá na promé lugá ku e mihó preis pa material pa konstrukshon

Fin di aña ta e temporada ku mas e konsumidó ta hasi uzo di material pa konstrukshon. P’esei manera ta e kustumber  Fundashon pa Konsumidó ta hasi anotashon di preis di material pa konstrukshon pa asina e konsumidó por tin un mihó bista unda e por skohe pa kumpra su material pa konstrukshon.  Durante di 7 pa 12 di novèmber 2022 Fundashon pa Konsumidó a bishita 6 diferente establesimentu  ku ta ofresé material pa konstrukshon i a hasi anotashon di preis di 154 material pa konstrukshon.  Di e forma aki nos a hasi komparashon di preis i asina e konsumidó por haña un bista di e preisnan di diferente kategoria di materialnan di konstrukshon.

E establesimentunan kaminda a hasi e anotashon di preis ta Kooyman Zeelandia, Gomez Enterprises Schottegatweg Oost , Ferreteria Scherpene NV Scherpenheuvel 2, Dijtham Caracasbaaiweg , Building Depot Zeelandia, Staal Antillen Kaya La Plata A-20. 

Di e 154 material di konstrukshon ku a keda anotá, Kooyman ta ofresé 111 di e materialnan aki. Esaki ta hasi Kooyman e establesimentu mihó surti pa loke ta trata material pa Konstrukshon den e anotashon i komparashon di preis aki. Building Depot ta keda na di dos lugá ku 103 material i Gomez Enterprises na di 3 lugá ku 55 material pa konstrukshon. 

E establesimentu ku tin mas tantu di e 154 material di konstrukshon ku a keda anotá na mihó preis ta Building Depot. Building Depot a resultá na promé lugá ku 65 material pa konstrukshon ku preis mas abou kompará ku e otro establesimentunan. Ferreteria Scherpene NV ta keda na di dos lugá ku 20 material pa konstrukshon na mihó preis i Kooyman na di 3 lugá ku 17 material pa konstrukshon. 

Riba e lista di komparashon di preis aki bo por tuma nota tambe di e desaroyo di preisnan di material pa konstrukshon durante e último añanan aki for di 2019 te ku 2022. Mester remarká ku tabatin un subida drástiko den preis di material pa konstrukshon durante último añanan aki. Apesar di esaki  nos lista di  komparashon di preis por yuda bo tuma un bon desishon na momento di hasi bo eskoho. Riba e lista aki bo ta mira un bista amplio di e diferente kategorianan di material pa konstrukshon. Pues promé ku bo bai hasi bo kompra bo por traha bo presupuesto, hasi bo propio komparashon i hasi bo kalkulashon di forma responsabel. 

Bo por tuma nota di e lista aki riba nos wèpsait www.fundashonpakonsumido.org tambe . Pa kualkier pregunta òf mas informashon, semper por tuma kontakto ku Fundashon pa Konsumidó na telefòn 4626666 òf e-mail nos na info@fundashonpakonsumido.org



Leave a Reply