Warning: call_user_func_array() expects parameter 1 to be a valid callback, class '' not found in /home/customer/www/fundashonpakonsumido.org/public_html/wp-includes/class-wp-hook.php on line 324
Komparashon di preis di karni, galiña, belèg, fruta i berdura.  – Fundashon pa Konsumido

Komparashon di preis di karni, galiña, belèg, fruta i berdura. 

Fundashon pa Konsumidó a hasi komparashon di preis den e kategoria di karni, galiña, belèg, fruta I berdura . Esakinan ta produktonan esensial na momento ku e mayoria di konsumidó ta hasi su kompra. Pues e komparashon di preis aki ta unu sumamente interesante.  Pa e komparashon di preis aki a selektá un kantidat di 109 produkto na 20 establesimentu den e temporada di 20 di mart 2022 te ku 27 di mei 2022. E supermarket i minimarketnan  kaminda e komparashon di preis a tuma lugá ta: supermarket 2000,  Arco Iris, Van den Tweel ,Arti’s , Best Buy, Bon Bini supermarket, Boulevard Market Place, Centrum Mahaai i Piscadera,  Esperamos supermarket, Dande, Mangusa Rio Canario i Hypermarket, Vreugdenhil, Minimarket LZF, Luna Park, New Plaza/ De Ruyterkade, LI’S, Queens, i Tropicana .

A base di e komparashon di preis aki Centrum  Piscadera a resultá e supermerkado ku tin mas tantu produkto na mihó preis for di e makutu di produktonan pre selektá. Centrum Mahaai a keda na di dos lugá ku 22 produkto i Vreugdenhil ku 18 produkto.

Durante di e komparashon di preis aki nos a para ketu tambe na e establesimentu mihó surtí. Pues e establesimentu ku tabatin mas tantu di e 109 produktonan di e kategoria aki den e makutu pre selektá. 

E supermerkado mihó surti den e kaso aki a resultá Centrum Mahaai i Centrum Piscadera ku 84. Na di dos lugá a resultá Mangusá Rio i Hypermarket  ku 79 produkto i Esperamos supermarket na di tres lugá ku 78 produkto. 

Ta importante pa señalá diferensia di preis basta drástiko entre e diferente establesimentunan ku a keda selektá. Meta di esaki ta prinsipalmente pa e konsumidó tin un mihó bista na momento di hasi su eskoho komo konsumidó.Nos a remarká ku por ehèmpel na Bon Bini Supermarket bo ta paga fl 14.45 pa un kilo di karni stoba i na Boulevard Supermarket bo ta paga fl 25.95 pa e mesun kilo di karni stoba. Esaki ta un diferensia di fl 11.50. Otro diferensia grandi ta pa kilo di Flansteak. Na Vreugdenhil bo ta paga fl 16.50 i na Arti’s bo ta paga fl 26.95 kual ta un diferensia di fl 10.45. Loinribs tambe tin un diferensia di preis remarkabel. Por ehèmpel na Bon Bini bo ta paga fl 15.35 pa un kilo di lionribs i na Li’s esaki ta kosta fl 23.95 un diferensia di fl 8.60. 

Fundashon pa Konsumidó ta rekomendá e konsumidó pa traha un lista di kompra delantá i tene bon kuenta ku e diferensia di preis entre kada establesimentu pa asina hasi e mihó eskoho. Pa hasi esaki, bo por tuma nota di e lista di anotashon di preis riba nos wèpsait www.fundashonpakonsumido.org. Pa kualkier pregunta por tuma kontakto ku nos na 4626666 òf manda nos un e-mail na info@fundashonpakonsumido.org  Tene na kuenta ku pa e komparashon di preis aki no a tene kuenta ku kalidat di produkto ni pais di importashon. 



Leave a Reply