Warning: call_user_func_array() expects parameter 1 to be a valid callback, class '' not found in /home/customer/www/fundashonpakonsumido.org/public_html/wp-includes/class-wp-hook.php on line 324
Komparashon di preis TOKO  – Fundashon pa Konsumido

Komparashon di preis TOKO 

Fundashon pa Konsumidó ta un organisashon independiente ku ta sali na interes di e pueblo kumpradó. E publikashon aki ta konta ku ouspisio di Ministerio di Desaroyo Ekonómiko.

Fundashon pa Konsumidó konhuntamente ku Ministerio di Desaroyo Ekonómiko e aña aki ta inisiá un trayekto den kual lo anotá preisnan di produktonan  riba merkado i informá esakinan na  nos konsumidónan riba un base aun mas regular. E meta di e inisiativa aki no solamente ta pa duna informashon di preis, sino tambe pa eduká nos konsumidónan pa adaptá nan komportashon di kompra, spesialmente den e temporada difísil aki. Pa e motibu aki FPK i MEO lo anotá preis na diferente establesimentu e.o supermerkado, minimarket i tokonan.  Despues di a publiká nos komparashonnan di supermerkado febrüari vs yanüari 2022  FPK ta publiká awe e desaroyo di preis na Tokonan di henter  luna di febrüari 2022.

Toko

Tokonan ku a bishitá na e okashon aki ta: Oriental, Esperansa, Rong Yao, Alex, Caribbean, Feng Yun, Bon Cadushi, Nacional Soft Center, Nataly’s Grocery, King, San Pedro, Monalisa, Ming Wong, Grocery Kong Long i Jose Faria. 

Komparashon 

Komparashon di preis ta basá riba e asina yamá Makutu NO regulá. Gran parti di e produktonan den e makutu aki ta produktonan den bòter òf den bleki. Por ehèmpel fruta, karni, piska, mayonaise, jam, pindakaas i bèrdura den bleki.  E makutu aki ta konsistí tambe di karni i bèrdura di ‘diepvries’.  Ministerio di Desaroyo Ekonómiko  a anotá preis di 87 produkto na 15 diferente establesimentu.

Preis

Pa medio di e análisis di preisnan di produktonan riba merkado, Fundashon pa Konsumidó a konstatá ku diferente establesimentu ( Toko)  a keda ta mantené e mesun preisnan di promé siman di febrüari.

Fundashon pa Konsumidó ke konsientisá riba e importansia di kumpra produktonan ku di bèrdat ta nesesario. Prinsipalmente den e tempu difísil ku nos komo Pais ta pasando aden. Awor mas ku nunka ta esensial pa por praktiká un komportashon saludabel i responsabel. 

Pa mas informashon tokante e komparashon di preis aki, tuma kontakto ku nos na 462-666 òf via e-mail info@fundashonpakonsumido.org  . E tabèl aki ta aksesibel tambe via nos wèpsait: www.fundashonpakonsumido.org



Leave a Reply