Warning: call_user_func_array() expects parameter 1 to be a valid callback, class '' not found in /home/customer/www/fundashonpakonsumido.org/public_html/wp-includes/class-wp-hook.php on line 324
Komparashon di preis di karni i bèrdura – Fundashon pa Konsumido

Komparashon di preis di karni i bèrdura

Pa fasilitá konsumidónan den nan proseso di kompra, Fundashon pa Konsumidó ta sigui bishita supermerkadonan, anotando preisnan di produktonan riba merkado. Durante e periodo di 28 di mei te ku 2 di yuni 2020 a bishitá un kantidat di 22 establesimentu pa anotá preis di 90 produkto di karni, belèg, fruta i berdura. E 22 establesimentunan ku a forma parti di e komparashon di preis aki ta: supermarket 2000,  Arco Iris, Van den Tweel ,Arti’s , Best Buy, Bon Bini supermarket, Boulevard Market Place, Centrum Mahaai i Piscadera,  Esperamos supermarket, Dande, Exito, Mangusa Rio Canario i Hypermarket, Vreugdenhil, Minimarket LZF, Luna Park, New Plaza/ De Ruyterkade, LI’S, Feng Fu, Queens, i Tropicana .

Fundashon pa Konsumidó ta enfatisá ku durante di e komparashon di preis aki no a tene kuenta ku pais di orígen, marka ni kalidat di produkto. 

Arco Iris supermarket esun mihó surti den karni, fruta, berdura i belèg

Despues di a analisá resultadonan di e anotashon di preis, Fundashon pa Konsumidó a konstatá ku Arco Iris supermarket ta esun mihó surti basá riba e 90 produktonan di karni, fruta i berdura ku a keda anotá. Di e 90 produktonan, Arco Iris ta tin un total di 74 produkto den stòk. Centrum Mahaai ta resultá na di dos lugá ku un kantidat di 73 produkto i Esperamos supermarket i Bon Bini supermarket ta na di tres lugá ku 70 produkto den stòk. 

Esperamos supermarket, Mangusa Rio i Hypermarket tin mas produkto di karni, fruta, bèrdura i belèg na un preis mas ekonómiko

Resultadonan di e komparashon di preis ta mustra ku e 3 supermarketnan: Esperamos, Mangusa Rio i Hypermarket ta e supermarketnan ku tin mas produkto na un preis mas ekonómiko. Di e 90 produkto ku Fundashon pa Konsumidó a anotá, e 3 supermarketnan ariba menshoná tabata tin 19 produkto na un preis mas kumbiniente. Centrum Mahaai na di dos lugá ku un kantidat di 15 produkto i Vreugdenhil supermarket na di tres lugá ku 14 produkto. 

Diferensia grandi di preis  

Durante di e anotashon di preis aki, nos a konstatá un diferensia grandi di preis den e kategoria di karni. P’esei Fundashon pa Konsumidó lo suprayá e diferensianan di preis mas grandi den e kategoria aki. 

Kategoria di Karni: 

Den e kategoria di karni nos a konstatá un diferensia di preis di fl.12.22 pa un kilo di Sirloin Steak entre Centrum Mahaai i Supermarket 2000. Na Centrum Mahaai, un kilo di Sirloin Steak ta kosta fl. 17.78 i na Supermarket 2000 esaki ta kosta fl. 30.00. 

Pa loke ta trata Mondongo, tambe nos a tuma nota di un diferensia di preis grandi. Un kilo di Mondongo ta kosta na Centrum Mahaai, Piscadera, Mangusa Rio i Hypermarket fl. 6.95 i na LI’s minimarket esaki ta kosta fl. 18.95, kual ta un diferensia di fl. 12.00

Kategoria di belèg:

Un otro kategoria ku tambe a konstatá diferensia di preis grandi den dje, ta e kategoria di beleg. Den e kategoria aki tin diferensianan di preis di por ehèmpel fl. 7.00 te ku fl. 11.00. Pa menshona un ehempel, un kilo di worst salu ta kosta na Arco Iris fl. 16.00 i na Minimarket Feng Fu esaki ta kosta fl. 27.00, kual ta un diferensia di preis di fl. 11.00. 

Kategoria di Fruta: 

Den e kategoria di fruta nos por a tuma nota ku por ehempel un kilo di plum na Esperamos ta kosta

fl. 6.95 i na Centrum Piscadera e ta kosta fl. 17.10. Esaki ta un diferensia di fl.10.15. Un otro fruta ku diferensia di preis grandi ta Dreifi. Un kilo di e dreifi ‘Black Seedless’ na Centrum Mahaai i Piscadera ta kosta fl.19.30 i na Esperamos fl.11.25 un diferensia di fl. 8.05.

Tene na kuenta ku e diferensianan di preis ariba menshoná por ta mará na diferente faktor. Por ehèmpel pais di orígen, kalidat di produkto, marka etc. Fundashon pa Konsumidó ta konsehá pa tuma kontakto ku nos na number di telefòn 462-6666 òf e-mail info@fundashonpakonsumido.org si dado kaso tin kualke pregunta relashoná ku e komparashon di preis aki. Alabes nos ke informá ku nos lo sigui hasi anotashon i komparashon di preis riba un base regular, pa asina konsientisá nos konsumidónan di e preisnan riba merkado. Un petishon ta bai na tur konsumidó pa tira un bista riba e lista di komparashon di preis. Hasi uzo di esaki i asina bira mas konsiente di preisnan riba merkado i tambe unda ta kumbiní bo hasi kompra. 



Leave a Reply