Makutu básiko

Adaptashon di Makutu Básiko

Entrante  1 di yanüari 2012  e Makutu Básiko stipulá pa Ministerio di Desaroyo Ekonómiko a drenta na vigor. E ta disponibel riba wèpsait di gobièrnu di Kòrsou. Klek aki pa mas informashon.

For di yanüari e Makutu Básiko ta kontené tambe dies tipo di fruta i dies tipo di berdura. Den tabèl 1 por tuma nota di e diferente fruta i berduranan ku ta forma parti di e Makutu:

Tabèl 1: Fruta i berdura den Makutu Básiko

 

BERDURAFRUTA
1. Blachi di salada1. Drùif
2. Tomati2. patia
3. promentòn3. Apelsina
4. Brokoli4. Bakoba
5. Spinazi5. Banana
6. Kolo6. Mango
7. Awakati7. Apel
8. Pampuna8. Mandarein
9. Wòrtel9. Milon
10. Siboyo10. Papaya

Un di e fasetanan mas importante di e Makutu Básiko nobo ta, ku gobièrnu a eliminá impuesto di importashon i OB na importashon di fruta i berdura ku a keda agregá na e Makutu Básiko. Pues e dies fruta i berduranan ariba menshoná lo drenta Kòrsou liber di tur impuesto. Tambe gobièrnu a agregá i/òf adaptá e siguiente produktonan den Makutu Básiko ku ta ilustrá den tabèl 2.

Tabèl 2: Produkto agregá i/òf adaptá

1. Pasta (1 lb)
2. Cornflakes (7 t/m 7.5 i 18 oz.)
3. Batata (10 lbs),
4. Bonchi den paki (wowo pretu, kashupete (large limas), ros, di 500 gr òf ménos)
5. Lechi na paki UHT (halfvolle melk, 1 liter)

Mayoria di e importadónan di komestibel tin eksonerashon di paga OB ora e produktonan drenta Kòrsou. Tambe tin diferente produkto ku tarifa di impuesto di importashon 0%. Esaki ta konta entre otro pa produkto manera batata, hariña di pan i di funchi, galiña etc. Gobièrnu ta hasi esaki pa e produktonan di promé nesesidat no bira muchu karu pa e komunidat.

(Fuente: Monitor, 16 di yanüari 2012, Ministerio di Desaroyo Ekonómiko)

Monitor nr. 1

Monitor nr.2

Monitor nr.3

Monitor nr.4

Color Skin

Header Style

Nav Mode

Layout

Wide
Boxed